നിക്ഷേപകരെ കബളിപ്പിച്ച് ചിട്ടിക്കമ്പനി പൂട്ടി മുങ്ങിയതായി പരാതി
 |
| നിക്ഷേപകരെ കബളിപ്പിച്ച് ചിട്ടിക്കമ്പനി പൂട്ടി മുങ്ങിയതായി പരാതി |
വര്‍ക്കല: പുന്നമൂട്ടില്‍ നിക്ഷേപകരെ കബളിപ്പിച്ച് ധനകാര്യസ്ഥാപനം നടത്തിപ്പുകാര്‍ മുങ്ങിയതായി പരാതി. പൊന്നുംമഠത്തില്‍ ഫിനാന്‍സ് ആന്‍ഡ് ചിട്ടീസ് എന്ന സ്ഥാപനത്തിനെതിരെയാണ് പരാതി. നിക്ഷേപകരുടെ പരാതിയില്‍ വര്‍ക്കല പോലീസ് കേസെടുത്തു. മെയ് 30ന് ശേഷമാണ് സ്ഥാപനം തുറക്കാതായത്.
സ്ഥാപനത്തിന്റെ പാരിപ്പള്ളിയിലെ പ്രധാന ഓഫീസും അന്നുമുതല്‍ അടഞ്ഞുകിടക്കുകയാണ്. ഇത് ശ്രദ്ധയില്‍പ്പെട്ട നിക്ഷേപകര്‍ പോലീസില്‍ പരാതി നല്‍കുകയായിരുന്നു. നിക്ഷേപകരും ചിട്ടിയില്‍ ചേര്‍ന്നവരുമായ പത്തോളം പേര്‍ പരാതി നല്‍കിയിട്ടുണ്ട്. മീനാട് സ്വദേശികളാണ് സ്ഥാപനം നടത്തിവന്നതെന്ന് പോലീസ് പറഞ്ഞു. 50,000 രൂപ വരെയുള്ള ചിട്ടികള്‍ നടത്തിയിരുന്നതായി പോലീസിന് വിവരം ലഭിച്ചിട്ടുണ്ട്. സ്ഥാപനം പോലീസ് പരിശോധിക്കുകയും രജിസ്റ്ററുകളും രസീതുകളും കണ്ടെടുക്കുകയും ചെയ്തു.
ഉടമകളെ കണ്ടെത്താന്‍ പോലീസ് അന്വേഷണം ആരംഭിച്ചിട്ടുണ്ട്. സ്ഥാപനം പൂട്ടിയ വിവരമറിഞ്ഞ് കബളിപ്പിക്കപ്പെട്ട കൂടുതല്‍പേര്‍ പരാതിയുമായി പോലീസിനെ സമീപിക്കുന്നുണ്ട്.
Subscribe to:
Post Comments
(
Atom
)
No comments :
Post a Comment